Son 24 saat ərzində Türkiyədə koronavirusdan 122 nəfər vəfat edib.

“Haber Global” ölkənin Səhiyyə Nazirliyinə istinadən bildirir ki, mayın son günündə yoxlanış məqsədilə götürülən 219 461 testdən 6493-ü müsbət çıxıb.

Sutka ərzində 9582 nəfərin sağalması və ya karantin müddətinin bitməsi ilə bugünədək virusdan sağalanların ümumi sayı 5 114 624 nəfərə yüksəlib.

Qeyd olunur ki, hazırda Türkiyə xəstəxanalarında COVİD-19 diaqnozu ilə yatan ağır xəstələrin sayı 1339 nəfərdir.