AzTimes.az xəbər verir ki, bu gün Binəqədi rayon icra hakimiyyətinin qarşısında intihara cəhd hadisəsi olub. İkinci Qarabağ və Aprel döyüşlərinin iştirakçısı Şahid Şahlarzadə ona məxsus olan torpaq sahəsinin zəbt edilməsi ilə bağlı müraciətlərinin cavabsız qalmasına etiraz olaraq özünü yandırmağa cəhd edib. Hadisə yerinə gələn Binəqədi rayon polis əməkdaşları faciənin qarşısını vaxtında almağa müvəffəq olub. Ş.Şahlarzadə 4-cü polis bölməsinə dəvət edilib, ifadəsi alınaraq sərbəst buraxılıb.