Telman İbadov Akademik M.Mirqasımov adına Respublika Klinik Xəstəxanasının baş həkimi vəzifəsindən çıxarılıb. 

Bu barədə Oxu.Az-ın sorğusuna cavab olaraq TƏBİB-dən məlumat verilib. 

Bildirilib ki, TƏBİB-in İdarə heyətinin sədri Ramin Bayramlının imzaladığı müvafiq əmrə əsasən T.İbadov tutduğu vəzifədən azad edilib. 

R.Bayramlının digər əmri ilə onun yerinə Yevlax Rayon Mərkəzi Xəstəxanası publik hüquqi şəxsin direktoru Azər İsmayılov təyin olunub.

Telman İbadov isə Akademik M.Mirqasımov adına Respublika Klinik Xəstəxanasının direktor müavini vəzifəsinə keçirilib.