Redaksiyamıza Bakı şəhəri Xətai rayonu Cavanşir küçəsi yataqxana mənzil 30 ünvanda yaşayan Kazımova Fərqanə Məhərrəm qızı tərəfindən müraciət daxil olub.Övladı ilə qəza vəziyyətində olan mənzildə yaşamaq məcburiyyətində qalan ana dövlət qurumlarından kömək istəyir:

“2006-cı ildən Bakı şəhəri , Xətai rayonu , Cavanşir küçəsi 4 A , 4 nömrəli yataqxanın 30 A saylı otağında yaşayıram . Cavanşir küçəsi 4 A ünvanda yerləşən 4 saylı yataqxana 60-cı illərdə tikilmişdir . Bu binanın yaşayış binası olaraq istis-mara yararlılıq müddəti təxminən iyirmi ildir ki başa çatmışdır . Bildirmək istəyi-rəm ki sözügedən yataqxanada olan otaqların 80 % də məcburi köçkünlər məs-kunlaşmışdır . İstər yataqxanada təyinatı üzrə yaşayanlar istərsə də məskunlaşmış məcburi köçkünlər yaşayış üçün yararsız olan bir binada yaşamaq məcburiyyətində qalmışdırlar . Bina aşılandığından bir çox yerlərində çatlar əmələ gəlmiş , döşəmə-lər sıradan çıxmış, qapı pəncərələr əyilmiş, hamam, tualet hissəsində borular çat-layaraq su və su tullantılarının kənara axmasına , binanın tam örtüyündə olan deşik və çatlar nəticəsində yağış sularının otaqlara axmasına gətirib çıxartmışdır ki , bu-nun nəticəsində binada rütubət normadan dəfələrlə artmış , payız-qış aylarında isə istiliyi saxlamaq qeyri-mümkün olur . Yayda isə rütubətli isti havanın müşaiyəti ilə anisanitariya vəziyyətində yaşamaq məcburiyyətində qalırıq . Bizim həmin binanın faciəvi vəziyyətini izah etməmiz kənardan olduğu kimi görünməyə bilər lakin bu həqiqətdir həmin bir neçə ildir qəzalıdır , yaşayış üçün yararsız haldadır və insan-ların həyatı üçün təhlükə yaradır .
Yataqxanada məskunlaşmış məcburi köçkünlər Dövlət tərəfindən yeni mənzil ilə təmin etdikləri üçün onlar oradan köçdülər .
Lakin mən və mənim kimi bir neçə yataqxana sakini bu günə kimi həmin binada yaşamaq məcburiyyətində qalmışıq . Təsəvvür etmək nə qədər çətin olsa da rütu-bətdən yorğan-döşək nəm çəkir və biz həmin yataqlarda yatmaq məcburiyyətində oluruq ki bu da bizim səhhətimizə ciddi zərər verir . Dəfələrlə fərqli instansiyalar müraciət edilmişdir . Araşdırma nəticəsində məlum olmuşdur ki bina qəza vəziyyə-tindədir . Mən bir Azərbaycan vətəndaşı və ana kimi böyütdüyüm övladım sağlam ətraf mühitdə sağlam böyüdüb dövlətimə yararlı vətəndaş etməliyəm . Lakin bu gün yaşadığım evin qəza şəraitində , antisanitariya və yararsız olması eyni zaman-da mənim maliyyə çətinliyim övladımı onun layiq olduğu şəkildə böyütməyimi sıfıra salır . Dövlətin əsas sərvəti insan resurslarıdır . Bizim övladlarımız və onların övladları fiziki sağlamlığı olmadığı təqdirdə bizim tərəfimizdən qurulmuş bu döv-lət məhv olma təhlükəsi ilə üz-üzə qalar .
Övladımın uşaq olarkən onun atası xəstəlikdən ölmüşdür ki mən övladımı çətinlik içərisində böyüdürəm . Maliyyə vəziyyətim qənaətbəxş olmadığı üçün mənim ev alma ehtimalım sıfıra bərabərdir .
Azərbaycan Respublikası Prezidenti cənab İlham Əliyevin dediyi kimi dövlə-timiz iqtisadi cəhətdən inkişaf etmiş və bir qisim inkişaf etmiş ölkələrlə rəqabət aparmaq səviyyəsindədir .
Həyatda əldə edə bildiyim sadəcə bir övladım var . Ondan başqa heç nəyim yox-dur və əlacsızam . Biz də bir insanıq və Azərbaycan Respublikasına layiq şəkildə yaşamaq istəyirik . Ölkə rəhbərliyinin və digər aidiyyatlı şəxslərin səyi nəticəsində şəhərlərimiz və rayonlarımız ciddi şəkildə müsbət anlamda inkişaf etmişdir . Bunu görməmək və dilə gətirməmək görmə qabiliyyətinin olmaması və ya ədalətsizlik olardı . Mən bunları görür və dilə gətirirəm
Azərbaycan Respublikasına və onun vətəndaşlarına olan sədaqətinizi və sevginizi nəzərə alaraq sizə müraciət etmək qərarına gəlmişəm .
Bu işi xüsusi nəzarətinizə götürərək bir ana kimi bir Azərbaycan vətəndaşı kimi yaşadığımız binanın qəzalı vəziyyətdə olmasını və yaşayış üçün yararsız olduğunu, mənim maddi vəziyyətimin qənaətbəxş olmadığını nəzərə almanızı , mən və övla-dımın faciəvi bu gününü və gələcəyini nəzərə alaraq bizi evlə təmin edilməmizə göstəriş vermənizi sizdən xahiş edirəm”.

Ümid edirik ki,dövlət qurumları vətəndaşın şikayətini dinləyərək köməklik göstərəcəklər.

Xeberfakt.az