AzTimes.az xəbr verir ki,Əngəlsiz Düşüncə Sosial İnkişafa Yardım İctimai Birliyi növbəti dəfə Zabrat qəsəbəsində yerləşən Yetkinlik Yaşına Çatmayanlar üçün Sosial Sığınacaq və Reabilitasiya mərkəzində olub. Əngəlsiz Düşüncə Sosial İnkişafa Yardım İctimai Birliyinin sədri Mətanət Qüdsi vurğulayıb ki, “Cırtdan” Kukla teatrının tamaşası və əyləncəli oyunlarla davam edən proqramı uşaqların sevincinə və marağıma səbəb olub: “Etiraf edim ki, Kukla teatrında olmaq mənim uşaqlıq arzumdu. Ona görə siz burda olduğunuz üçün şanslısınız. Belə şərait yaratdığına görə teatrın rəhbərliyinə, Səyyarə xanıma, Sima xanıma, Nəzakət xanıma təşəkkür edirəm. Mənim bütün tədbirlərimdə yanımda olmusunuz. Sevindirici haldır ki, dekabrda qeydiyyatdan keçən kiçik təşkilatın hazırda 50-yə qədər könüllüsü var. Mənim könüllülərim, buna görə sizə minnətdaram. Yenidən görüşmək ümidiylə”. Mətanət xanım sonra sözü çıxış etmək üçün müavininə verib. Sonda xatirə şəkilləri çəkdirilib.