Bakının Nizami rayonunda yanğın olub.

AzTimes.az Trend-ə istinadən xəbər verir ki, məlumata görə Nizami rayonunun Bəhruz Nuriyev küçəsində yerləşən yaşayış binasında yanğın baş verib. Yanğın binanın zirzəmisində başlayıb.

Hadisə yerinə Fövqəladə Hallar Nazirliyinin əməkdaşları və yanğınsöndürmə briqadaları cəlb olunub.

Hazırda yanğının söndürülməsi istiqamətində işlər aparılır.