AzTimes.az xəbər verir ki, Yevlax Rayon Polis Şöbəsinin təşkilatçılığı ilə rayonun 4 saylı tam orta məktəbində “Narkomaniya ümumbəşəri bəladır” mövzusunda tədbir keçirilib.

Çıxış edən Yevlax RPŞ-nin rəisi, polis polkovniki Elnur Mehdiyev və digər iştirakçılar narkomaniya və onun fəsadları ilə bağlı geniş məlumat veriblər. Bu bəlanın qarşısının alınması istiqamətində görülən genişmiqyaslı tədbirlər diqqətə çatdırılıb, şagirdlərə dəyərli tövsiyələr verilib. Sonda isə iştirakçıları maraqlandıran suallar cavablandırılıb.