“Çevik Ekspertlər Qrupu” Fizuli rayonununda təlimlər keçirdi
“Azərbaycan Uşaqları” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə 01 mart 2023-cü il tarixdən “Regionlarda gender əsaslı zorakılıq və məişət zorakılığı əleyhinə mübarizə sahəsində təşəbbüs qruplarının yaradılması” layihəsi davam edir. Layihə “Çevik Ekspertlər Qrupu” Koalisiyasının birgə fəaliyyəti əsasında icra olunur.Layihənin icrasında iştirak edən tərəfdaş təşkilatların adları aşağıdakılardır:
- ”Təmiz Dünya” Qadınlara Yardım İctimai Birliyi
- “Gəncə Regional Qadın Mərkəzi” İctimai Birliyi
- ”İslahatçı Qadınlar və İnnovasiyalar” İctimai Birliyi
- ”Vətəndaş” Tədqiqat və İnkişaf İctimai Birliyi
- “Azərbaycan Uşaqları” İctimai Birliyi
Füzuli rayonunda 25 aprel 2023-cü il tarixindən başlayaraq 3 günlük təlimlər keçirilib
Təlim iştirakçıları 3 gün ərzində Azərbaycan Konstitusiyası, Beynəlxalq Konvensiyaların ratifikasiyası, stereotiplər, cinsi mənsubiyyətə görə ayrı seçkiliyə yol verilməməsi,Məişət zorakılığı haqqında Qanun, zorakılıqdan müdafiə üçün mövcud olan alətlər,insan alveri haqqında qanun, insan alverinin formaları,cavab mexanizmləri və digər mövzuları öyrənib, diskussiyalar apararaq, eləcə də simulyativ oyunların qrup işlərinin aktiv iştirakçısı olub. Təlim zamanı iştirakçılar AUİB-nin “Zorakılıq” filmini izləyərək,filmin müzakirəsini edib.Təlimdə Füzuli Rayon İcra Hakimiyyətinin əməkdaşları (Arayatlı bələdiyyəsi, Aşağı Yağlıvənd bələdiyyəsi, Şükürbəyli kəndi,Mollaməhərrəmli kəndi , Mahmudlu kəndi ,ictimai fəallar,müəllim,psixoloq, icra nümayəndəliklərinin əməkdaşları, Füzuli Rayon Polis Şöbəsinin əməkdaşları, Füzuli rayon Təhsil şöbəsinin əməkdaşları ,Horadiz şəhəri- məktəb müəllimləri , psixoloq, Füzuli Qadın Resurs Mərkəzinin əməkdaşları eləcə də rayonunun TƏBİB mütəxəssisi iştirak edib.
Təlimdə “Azərbaycan Uşaqları” İctimai Birliyinin sədri Kəmalə Ağazadə layihənin koordinatoru, Təmiz Dünya Qadınlara Yardım İctimai Birliyinin sədri Mehriban Zeynalova layihənin eksperti, “Gəncə Regional Qadın Mərkəzi” İctimai Birliyinin sədri Məleykə Əlizadə ,“Vətəndaş “ Tədqiqat və İnkişaf İctimai Birliyinin sədri Günel Səfərova təlimçi olaraq iştirak edib.3 günlük təlimin yekununda iştirakçılar sertifikatlarla təltif olunub.
