Azərbaycan Respublikası vətəndaşı, 08.05.1997 ci il təvəllüdlü Səfərli Fərid Qabil oğlu İranda itkin düşüb.
AzTimes.az xəbər verir ki Fərid Azərbaycan Diplomatik Akademiyası İqtisadiyyat fakultəsinin, eyni zamanda Friedrich-Schiller-Universität Jena-nın BWL ixtisası üzrə magistr dərəcəsi məzunudur.
Bir müddət əvvəl İran İslam Respublikası vətəndaşı (kimliyi bəlli deyil), Jena şəhərinə praktika üçün gəlmiş bir xanımla tanış olmuş, daha sonra İrana səfər etmişdir. Fevral ayının 20-də İrana getmək üçün Almaniyadan çıxdığı ehtimal olunur (bu barədə heç kimə məlumat vermədiyi üçün dəqiq məlumatımız yoxdur). Mart ayının 4-də Almaniyadakı ev yoldaşlarına İranda olduğunu bildirmiş, kartının işləmədiyini və ona bilet almalarını xahiş etmişdir. O gündən sonra Fəriddən bir daha xəbər alınmayıb. Fəridin Türkiyəyə giriş etmədiyi ilə bağlı məlumat olduğu üçün (Bilet Tehran – İstanbul – Berlin reysi üçün alınıb) məhz İranda saxlandığını düşünürük. Almaniyada və Azərbaycanda müvafiq qurumlara müraciət olunub. Beş gün keçməsinə baxmayaraq, Fəriddən heç bir məlumat yoxdur.

AzTimes.az