Qubada Heydər Əliyev Mərkəzində Polis Akademiyasına qəbulla bağlı məlumatlandırıcı görüş keçirilib.

DİN Mətbuat Xidmətinin Quba regional qrupundan AzTimes.az- az verilən məlumata görə tədbiri Quba Rayon Polis Şöbəsi təşkil edib.Əvvəlcə dövlət himni səsləndirilib, daha sonra isə vətən müharibəsi şəhidlərimizin xatirəsi bir dəqiqəlik sükutla yad edilib. Tədbirdə Quba RPŞ-nin rəisi, polis polkovniki Mehman Əliyev, şöbə rəisinin xidmət üzrə müavini, polis polkovnik-leytenantı Vüsal Rüstəmov, şöbə rəisinin şəxsi heyət üzrə köməkçisi, polis mayoru Rüstəm Hüseynov, mərkəzin rəhbərliyi, təhsil şöbəsinin nümayəndələri, polis əməkdaşları, müəllimlər və 11-ci sinif şagirdlər iştirak ediblər.Tədbir iştirakçılarına Polis Akademiyasının fəaliyyətini özündə əks etdirən tanıtım videoçarxı təqdim olunub.