AzTimes.az xəbər verir ki, oktyabr ayının 27-də Şamaxı Mədəniyyət mərkəzində millət vəkili Tamam Cəfərovanın seçicilərlə növbəti görüşü keçirilib.
Vətəndaşlar onları narahat edən bir çox problemlərlə əlaqədar müraciət ediblər. Vətəndaşların müraciətləri məşğulluq, xüsusilə də müharibə iştirakçılarının məşğulluq altsistemində növbəlilik prosesində yaranan çətinliklər, həmçinin, müharibə iştirakçılarının əlilliyinin müəyyən edilməsində yaranan problemlər və digər fərdi müraciətləri əhatə edib. Vətəndaşların hər birinin arzu və istəkləri, qaldırmış olduqları problemlər, millət vəkili tərəfindən diqqətlə dinlənilib,qanunvericilik çərçivəsində öz həllini tapması məqsədilə müvafiq qurumlar qarşısında məsələ qaldırılacağı bildirilib. Qəbulda Şamaxı Rayon İcra Hakimiyyəti Başçısının müavini Mehriban Eyyubova, Dövlət Sosial Müdafiə Fondunun Dağlıq Şirvan Regional Filialınım nümayəndəsi Həsənov Məmməd, Dağlıq Şirvan Regional Məşğulluq Mərkəzinin nümayəndəsi Elvin Rüstəmov, Şamaxı rayonu Ağsaqqallar Şurasının sədr müavini Fatmaxanım Quliyeva da iştirak edib.